Сите во таборот на Е. Пелистер се подготвуваат за утрешниот меч со АЕК во рамките на Европската ракометна лига. Се најавува голем спектакл, салата “Боро Чурлевски“ е распродадена, нашиот претставник ќе има голема поддршка.
Во пресрет на овој меч свој коментар има Јосип Божиќ – Павлетиќ.
“Ни следи дуел со АЕК, одиме на победа. Знаеме дека противникот ќе дојде силно мотивиран. Сепак ние играме дома, пред нашата публика и очекуваме победа“ вели хрватскиот интернационалец.
Тој вели дека во Е. Пелистер не чуствуваат притисок…
“Не, не чуствуваме некој посебен притисок, наше е да го дадеме својот максимум и ако одиме според планот резултатот нема да изостане. Не размислуваме за никакви математики што и како во групата, одиме само на победа“ вели тој.
Инаку што се однесува до математиките во пресрет на последното коло се знае дека ако Е. Пелистер победи или одигра нерешено со АЕК ќе заврши како второпласиран во групата, дури и со пораз може да биде втор во зависност од резултатите на другите мечеви.
