Кристијано Роналдо денеска не сакаше да го изведе пеналот за Манчестер Ј. на гостувањето кај Арсенал, иако добил дозвола и таков бил договорот со менаџерот Рангник. Откако Манчестер Ј. се доближи на 2:1 на гостувањето во Лондон, гостите добија пенал, но Бруно Фернандеш очајно шутираше и ја погоди стативата.
Менаџерот на „црвените ѓаволи“, Ралф Рангник по мечот објасни зошто Роналдо не сакал да го изведе пеналот денеска.
„Го прашав Кристијано по натпреварот зошто не го изведе пеналот и зошто му го препушти на Бруно Фернандеш. Ми кажа дека едноставно немал добро чувство, па сметал дека е подобро некој од соиграчите да ја изведе најстрогата казна. На крајот тоа беше Бруно Фернандеш, но овој пат, за жал, тој не постигна гол“, објасни Рангник.
