Сите четири вечерни дуели од 3. коло во групната фаза од Лигат ана Нации во најсилниот сегмент „А“ завршија без победник. Долгоочекуваната пресметка меѓу Англија и Италија одиграна на стадионот во Вулверхемптон заврши со најнепопуларните 0:0, во меч во кој домашнте имаа повеќе од играта, но не искористија ниту една шанса за гол.
Со два гола постигнати во првите 10 минути од мечот, по еден во двете мрежи, заврши дуелот меѓу Унгарија и Германија. Унгарците поведоа со голот на Наѓи, но само неколку минути потоа Хофман ги врати Германците во егал за 1:1.
Со истиот резултат, 1:1, заврши и дуелот меѓу Велс и Белгија, каде Тилеманс ги донесе гостите во водство, па во финишот Џонсон донесе реми за Велс, додека најефикасно, но без победник со резултат 2:2 заврши пресметката меѓу Холандија и Полска.
Полјаците водеа и со 2:0, но домашните се соземаа во финишот на мечот и обезбедија реми.
Во сегметот „Б“, Црна Гора и БиХ одиграа 1:1, додека Романија минимално со 1:0 ја совлада Финска.
Турците ја продолжија доминацијата во сегментот „Ц“, вечерва победувајќи го Луксембург на гости со 2:0.
