Реал Мадрид даде вистинско богатство за да го донесе Лука Јовиќ на „Сантијаго Бернабе“ (60 милиони евра) и тоа се покажа како погрешен потег. Српскиот напаѓач западна во сивило во Реал од кое не можеше да излезе, па прво беше позајмен во Ајнтрахт Франкфурт, а вечерва потпиша со Фиорентина.
Интересно, Јовиќ доаѓа во Фиорентина како слободен фудбалер. Реал се одлучи за такво нешто и покрај тоа што скапо го плати претходно, но затоа стави свое барање во договорот, а тоа е 50% од парите при следниот трансфер на играчот.
Јовиќ со Фиорентина потпиша двегодишен договор со можност да биде продолжен на уште две години.
