Македонската кошарска репрезентација по првото полувреме на дуелот против Словачка на домашен терен во рамките на второто квалификациско коло за пласман ЕП 2025 има негатива од шест поени (40-46). Противникот добро ја анализирал играта на Македонија, Ненад Димитријевиќ беше затворен, а згора на се, кошаркарите имаа и нереализирани шутеви и изгубени топки.
Нашите момци добро го отворија мечот, поведоа со 6-2, нешто подоцна влегоа во серија на грешки и промашување, по последните плус еден (9-8) гостите направија серија од 6-0 и поведоа со 9-14. Кошаркарите израмнија на 14-14 за минута и нешто, но Словачка успеа да дојде на плус седум 15-22 и 19-26.
На стартот на втората четвртина беше 19-28, Македонија се мачеше ја бараше вистинската против игра, а Словачка на другата страна лесни дојде на двоцифрени 26-36 во 15 минута. На голема среќа овој налет на противникот беше прекинат, Војдан, Димитријевиќ и Ѓуроски со седум поени во низа намалија на 38-41. Но, тука застанаа, новата серија на грешки, Словачка ја казни со серија од 5-0 за 38-46. На одморот, Војдан намали на 40-46.
