Организаторите на Светското првенство јасно ги предупредија припадниците на оваа популација јавно да не ја истакнуваат својата сексуална ориентација или би можеле да се соочат со сериозни последици.
Пред неколку месеци, претседателот на организацискиот одбор на Светското првенство во Катар, Насер Ал Катер, постави јасни правила на однесување за ЛГБТ луѓето. Можат да дојдат на првенството, но со почитување на правилата.
„Кај нас не е дозволена хомосексуалност, но ви ветувам дека сите ЛГБТ лица ќе бидат безбедни за време на Светското првенство. Ќе им биде дозволено да ги гледаат мечевитр, но под услов да не ја изразуваат својата сексуалност во јавност. Ве молиме да го почитуваат тоа. Тие доаѓаат како навивачи и ќе им биде дозволено да навиваат, рече Ал Катер.
Интересна ситуација поврзана со Катар и Светското првенство се случи пред неколку дена во Германија. Претставникот на Здружението на навивачи од Германија, Дарио Минден, кој исто така е геј, одржа говор пред катарскиот амбасадор.
A representative of Germany’s association of fan and ultra groups went on stage to speak to the DFB’s conference on human rights in Qatar ahead of the World Cup.
Here’s his personal speech on LGBT rights in the country, addressed directly at Qatar’s ambassador to Germany. pic.twitter.com/ODYZrsYWyq
— DW Sports (@dw_sports) September 19, 2022
“Јас сум маж и сакам мажи. Немојте да се шокирате, но имам врски со други мажи. Тоа е нормално, или навикнете се или оставете го фудбалот”, ја започна приказната Минден и продолжи:
„Најважното правило во фудбалот е: Фудбалот е за секого. Не е важно дали сте лезбејки или геј – фудбалот е за секого. За момчиња, за девојки. За секого.
Укинете ја смртната казна. Укинете ги сите казни за оние кои отворено ја изразуваат својата сексуалност. Правилото дека фудбалот е за секого е многу важно. Не можеме да дозволиме да го прекршите колку и да сте богати. Добредојдовте во фудбалската заедница и како домаќини на голем турнир, но така е во спортот, мора да ги прифатите правилата“, рече Минден.