Селекторот на финската фудбалска репрезентација, Марку Канерва уште во вторникот објави листа од 21 фудбалер на кои ќе смета за пријателскиот меч со Македонија во Скопје следната недела. Канерва рече дека има многу главоболки околу составувањето на списокот, со оглед на отсуството на многу планирани репрезентативци.
Финска во Скопје доаѓа и без својата прва ѕвезда, Теему Пуки, кој од селекторот доби простор за одмор поради долгата и напорна сезона.
„Теему има долга сезона зад себе и имавме разговори со него за ситуацијата. Теему има многу натпревари во Чемпионшип, а имаше и четири меча во Лигата на нации. Решивме дека во овој натпреварувачки прозорец има доволно простор да здивне и да одмори, бидејќи следната година ќе продолжиме во исто темпо“, вели Канерва.
Во Скопје нема да дојдат ниту Ричард Јенсен поради клупските обврски, Миро Тењо поради проблеми со повреда, како и Даниел О’Шонеси кој се уште е на рехабилитација.
Во репрезентацијата дополнително се повикани Нило Менпала од Варта Позњан и Туомас Олила од Илвес.
𝐉𝐨𝐮𝐤𝐤𝐮𝐞𝐞𝐧𝐣𝐮𝐥𝐤𝐢𝐬𝐭𝐮𝐬 – 𝐒𝐪𝐮𝐚𝐝 𝐚𝐧𝐧𝐨𝐮𝐧𝐜𝐞𝐦𝐞𝐧𝐭! | Huuhkajat nimetty marraskuun maaotteluihin. Mitä mieltä olet valinnoista? 🦉💬
*Joukkuetta tullaan täydentämään viidellä pelaajalla.
Lue lisää ➡ https://t.co/zoY5zL6b8O#Huuhkajat #MKDFIN #NORFIN pic.twitter.com/bIFMqMMwi2
— Huuhkajat (@Huuhkajat) November 8, 2022
