Македонската кошаркарска репрезентација во издание и серија на победи која одамна не сме ја виделе. „Црвено-жолтите“ дојдоа до четвртата победа во низа во претквалификациите за место на ЕП 2025 година и се зацврсти на првото место на табелата.
Вчера во Гевгелија падна Данска после продолжение, нашите момци славеа со 74-71. И на оваа средба исто како на првата не изостанаа атрактивните поени, еден од нив е дело на Адем Мекиќ. Кошаркарот на МЗТ Скопје потсети на поените на Ненад Димитријевиќ со звукот на сирената за голема радост на првата средба.
Мекиќ постигна ваков кош на крајот на третата четвртина.
