Голманот Гиљермо Очоа стана првиот Мексиканец кој одбранил пенал на Светско првенство. На мечот со Полска искусниот голман успеа да го запре шутот на Роберт Левандовски и да обезбеди реми за својата репрезентација. Од Светското првенство во 1966 година, Мексико на светските шампионати досега прими три гола од белата точка, а два беа во мрежата токму на Очоа.
Вкупно, Очоа во кариерата има 17 одбранети пенали, од кои 4 во репрезентацијата на Мексико.
Светското првенство во Катар е петто за Очоа. Во 2006 и 2010 година дојде со тимот како трет голман и не се појави на теренот. И во 2014 година светот дозна за магијата на Очоа – играше на сите четири меча, двапати не прими гол, Мексико не загуби меч во групната фаза, но беше елиминиран од Холандија во осминафиналето.
Највпечатлив настап на Очоа беше натпреварот со Бразил. Одбрани 8 удари кон голот и стана најдобар играч на натпреварот.
