За Александар Васоски изминатиот месец не беше според желбите, ниту негови, ниту на Сараево, а уште помалку за навивачите на овој тим. Пред македонскиот стратег е нова шанса за издигнување, ќе игра против Радник.
На официјалната прес-конференција тој зборуваше за противникот, за трите порази, но и за казната на Крсте Велкоски, кој засега е отстранет од првиот тим. Васоски потенцира дека тој не е избркан од тимот, но поради недисциплина мора да ги сноси последиците.
„Цела недела зборувавме за дисциплина. Крсте згреши, јас го тргнав од тимот, но тој не е избркан. Прв му честитав кога влезе во листата на најдобрите стрелци, но правилата за сите се исти. И понатаму ќе биде надвор од тимот, но ќе повторам не е избркан. Наскоро ќе биде повторно со нас“.
За дуелот со Радник на располагање ќе го нема ниту вториот македонски фудбалер, Аврамовски, кој поради повреда ќе го прескокне овој натпревар.
