Ергин Атаман, селекторот на репрезентација на Турција познат е по своите коментари кои ги дава секогаш без многу да му мисли што се вели.
Тој досега на ЕВРО 2022 имаше неколку на кои се лутеше најмногу на судењето, а се разбира и оној скандал во Тбилиси.
Сега му пречи тоа што утре, во првиот меч од 1/8 финалето во Берлин, мечот со Франција е закажан за точно на пладне:
“Ова намерно ни го прават, со ова докажуваат дека не го почитуваат турскиот народ, ова е против нашиот народ. Секако дека не ни одговара терминот од 12 часот. Ако се игра попладне или навечер, секако дека ќе има голем наши фанови кои живеат во Берлин ќе и дојдат да навиваат за нас. Сепак јас верувам дека нашиот народ ќе се жртвува и ќе дојде во 12 часот да ја бодри својата Турција против Франција“ рече покрај другото турскиот селектор.
