Дани Алвеш ги помина претходните 14 месеци во затвор под обвинение за силување. Неодамна славниот бразилски фудбалер беше осуден на четири и пол години затвор, но судот во Барселона прифати кауција од милион евра за да биде ослободен.
Покрај оваа бројка, Алвеш морал да ги предаде и двата пасоши што ги поседува (Бразил, Шпанија), а постојано ќе биде под полициски надзор и не смее да се приближува до жртвата на силување.
Поранешниот фудбалер е слободен благодарение на пријателите. Најпрво Нејмар го спаси од уште поголеми казни бидејќи на девојката и плати отштета од 150.000 евра, па казната беше намалена за 50 отсто и беше осуден на четири и пол години затвор.
Нејмар се истакна и како главен кандидат за исплата на кауција од милион евра за Алвеш да биде ослободен, но тој одби, па Даниел мораше да остане зад решетки уште неколку дена. Сепак, се појави неочекуван спасител. Еден милион евра за слободата на Алвеш наводно платил напаѓачот на Атлетико Мадрид, Мемфис Депај.
❗It was former Barcelona player Memphis Depay who made the €1m payment to get Dani Alves out of prison.
— @mfcbqtr pic.twitter.com/c1HNREs2t7
— Barça Universal (@BarcaUniversal) March 25, 2024
Двајцата ги врзува големо пријателство. Сега реши да му помогне и барем да го извлече од затвор на некое време, но тоа е нешто што Бразилецот дефинитивно никогаш нема да го заборави.
Дани Алвеш и Мемфис Депај на кратко играа заедно за Барселона. Сепак, очигледно е дека многу се зближиле и Бразилецот дефинитивно може да се пофали дека има вистински пријатели.