По двата убедливи порази од Италија и Израел во првите две кола од квалификацискиот турнир во Италија за пласман на ЕП 2024, јуниорската репрезентација на Македонија за одбојкари до 18 години, загуби и во третиот меч, но овој пат освои сет.
Избраниците на селекторот Санев, одиграа најдобар меч досега и успеаја да освојат сет на дуелот со Грција – 1:3 (15-25, 18-25, 25-22, 20-25). Јужниот сосед ја оствари втората победа во квалификациите и ќе го чека последниот меч од групата за конечниот пласман.
Македонија финишира на четвртото место.
Јуниорките вчера во Србија со три порази ги завршија квалификациите за ЕП до 18 години.
