Во обид да ја освои 16-тата титула на Копа Америка, бранителот на титулата Аргентина вечерва ќе се сретне со Колумбија во финалето на турнирот на стадионот Хард Рок во Флорида. Ова е првпат овие две селекции да се сретнат во финалето на турнирот, при што Аргентина се подготвува за рекордниот 30-ти настап во финалето, додека Колумбија го има само третото финале во историјата.
Откако се пласираше од четвртфиналето со триумф на пенали над Еквадор, Аргентина обезбеди победа од 2-0 над дебитантот на Копа Америка, Канада во полуфиналето во средата, продолжувајќи ја низата без пораз во сите конкуренции на 10 натпревари. Аргентина има многу успеси за време на нивниот престој во Соединетите држави и сè уште не загубила натпревар со нокаут на големите турнири во регуларното време на американска почва откако беа поразени од Романија на Светското првенство во 1994 година.
Сега на само една победа до апсолутна рекордна 16-та титула на Копа Америка, пткако во моментов имаат по 15 со Уругвај. Вечерашниот дуел ќе биде 145-ти и последен натпревар за Анхел Ди Марија за националниот тим, кој најави пензија, додека Меси планира да продолжи да игра за „гаучосите“. Аргентина има 26 победи на претходни 43 средби во сите натпреварувања против Колумбија, вклучително и победата на пенали во полуфиналето на Копа Америка во 2021 година.
Нестор Лоренцо, кој е роден во Буенос Аирес, како селектор на Колумбија од неговото назначување во јули 2022 година, верува дека неговата екипа била наградена за нивната храброст во победата над Уругвај во натпреварот од полуфиналето. Колумбија стигна до фајнл-форот на три од последните четири турнири на Копа Америка, но откако не успеа во 2016 и 2021 година завршувајќи на третото место во двата наврати, сега ќе ја има шансата за најголемиот успех во своето прво финале откако првпат беа крунисани во 2001 година.
МОЖНИ СОСТАВИ:
АРГЕНТИНА: Е. Мартинез; Молина, Ромеро, Ли. Мартинез, Таљафико; Ди Марија, Де Пол, Фернандез, Мек Алистер; Меси, Алварез
КОЛУМБИЈА: Варгас; С. Аријас, Санчез, Куеста, Мохика; Риос, Лерма; Ј. Аријас, Родригез, луис Диаз; Кордоба
