Килијан Мбапе повторно беше исвиркан од навивачите на Реал Мадрид. Францускиот напаѓач беше на трибините на „Сантијаго Бернабеу“ за мечот со Атлетик Билбао (1:0) бидејќи е суспендиран поради црвениот картон добиен на мечот со Алавес во претходното коло.
Мбапе се смести во ложата, но веројатно зажали. Кога во еден момент се појави на екраните на стадионот, мала група навивачи на Реал го исвиркаа, а на самиот играч му беше незгодно.
Mbappe, who is out serving a one match suspension for his red card, was whistled at the Bernabeu when he was shown on the big screen. pic.twitter.com/H79Ajhpnbt
— ESPN FC (@ESPNFC) April 20, 2025
Потсетуваме дека по елиминацијата на Арсенал од Лигата на шампионите минатата недела, публиката го исвирка Мбапе.
На крајот, се заврши добро во неделата вечерта со победнички гол на Федерико Валверде, кој бурно го прослави и Мбапе. Французинот беше суспендиран само на еден натпревар, поради што ќе биде на располагање оваа среда на гостувањето кај Гетафе во меѓуколо во Ла Лига. Во сабота се игра финалето на Купот на Шпанија против Барселона.
Mbappe celebrating Valverde’s goal pic.twitter.com/HAwClwDqIJ
— Dr Yash (@YashRMFC) April 20, 2025
