Македонски вачерва ќе го одбие и новиот одбојкарски шампион во женска конкуренција. Откако актуелниот бранител на титулата, Јанта Волеј беше елиминиран во минатата рунда, екипите на Наковски Волеј и Работнички денеска влегуваат во одлучувачката пресметка за титулата.
По четири одиграни натпревари резултатот во серија е нерешен, 2:2, но денеск аво популарната „мајсторка“ победникот и официјално ќе го крене шампионскиот пехар. Наковски Волеј ја има предноста на домашен терен и ќе се обиде да дојде до третата победа со која ќе ја освои двојната круна на домашната сцена, откако претходно оваа сезона го освои и Купот на ОФМ.
Работнички ќе се обиде да се врати на шампионскиот подиум со прво гостинско изненадување во серијата. И двата тима влегуваат во последниот дуел од финалето под притисок за победа, а очекуваме да гледаме навистина квалитетен дуел кој сигурно ќе донесе и голема неизвесност.
“Мајсторката” се игра вечерва од 18 часот во Струмица.
