Иако има критики од оние кои се сомневаат во овој пристап, Лејкерси се цврсто решени да ја градат иднината околу Словенецот. Според претседателот на кошаркарските операции, Роб Пелинка, важен состанок ќе се одржи овој викенд во Лос Анџелес, каде Лука Дончиќ ќе има голем збор во тоа со кого сака да игра во наредните сезони.
Словенецот веќе учествуваше активно во доведувањето играчи минатата година, а сега се очекува да има уште поголемо влијание.
Најимпресивниот дел од целата приказна доаѓа од самиот сопственик на клубот. Марк Волтер, кој ги купи Лејкерси на крајот од минатата сезона за рекордни 10 милијарди долари, ретко комуницира директно со играчите.
Сепак, тој прави голем исклучок со Дончиќ. Според „Атлетика“, Лука е во редовен контакт со Волтер и постојано го изразува своето задоволство од начинот на кој сопственикот се однесува кон него и го поддржува.
Овој вид поддршка може да биде од големо значење за Дончиќ токму сега, кога поминува низ многу тежок период во својот живот.
Лука моментално е во комплексна правна битка за старателството над неговите две ќерки со Анамарија Голтес, поради што практично е принуден да не игра за словенечката репрезентација ова лето.
Во такви моменти, силната поддршка од највисокото ниво на клубот може да му помогне полесно да го поднесе притисокот и да се фокусира на она што доаѓа.
