Хрватската ракометна федерација и селекторот, Драгур Сигурдсон добија парични казни за своите постапки на последното Европско првенство. Предводникот на оваа селекција имаше бројни забелешки кон ЕХФ поради густиот распоред и патувањата од една во друга земја, неземајќи го во предвид здравјето на ракометарите.
„Ракометниот суд на ЕХФ донесе две одлуки во врска со инциденти поврзани со машкото ЕХФ ЕВРО 2026 во кои беа вклучени Хрватската ракометна федерација и членовите на хрватската делегација.
Во првиот случај, селекторот на хрватската репрезентација, Дагур Сигурдсон, беше казнет со 4.000 евра за навредливи забелешки упатени кон Европската ракометна федерација за време на официјалната полуфинална прес-конференција.
2.000 евра од казната се изречени условно за условен период од две години.
Во вториот случај, Хрватската ракометна федерација беше казнета со 10.000 евра за прекршување на официјалниот распоред на церемонијата за доделување медали на ЕХФ и Протоколот за знаме на ЕХФ по истакнувањето на неовластено знаме за време на церемонијата за доделување медали.
2.500 евра од казната се изречени условно за условен период од две години.
Двете одлуки може да се обжалат до Апелациониот суд на ЕХФ во рок од седум дена“, се вели во известувањето на ЕХФ.
