Најтрофејниот европски тренер на сите времиња, Жељко Обрадовиќ, ќе биде шеф на тренерскиот штаб на Панатинаикос од Атина по втор пат во својата кариера.
Денеска, 21 јуни, поранешниот тренер на Партизан и жива легенда на европската кошарка официјално беше назначен за тренер на грчкиот клуб, објави сопственикот Димитрис Јанакопулос.
Како што објави SDNA, како и други грчки медиуми, деталите од договорот на Обрадовиќ се познати.
„Најголемиот договор на сите времиња за најголемиот тренер на сите времиња. Како што дознава SDNA, Панатинаикос и Жељко Обрадовиќ се согласија на тригодишна соработка вредна 12 милиони евра. И не само тоа, сопственикот Димитрис Јанакопулос ќе го зголеми буџетот на тимот за дополнителни 10 милиони евра. Пораката е јасна, Панатинаикос го напаѓа тронот на Европа“, напиша Јоргос Закаса, добро информиран новинар на SDNA.
