Екипата на ГФК Тиквеш полека но сигутно го склопува ростерот за следната сезона. Поточно, ги пополнува местата кои што во тимот се испразнети со заминувањата ова лето, кои што реално не беа во мал број.
Десетина фудбалери си заминаа од Кавадарци, а засега потврден е само Марко Алчевски голманот кој што доаѓа по интернационалната авантура во Израел односно Србија.
Па така, следен на листата нови играч на ГФК Тиквеш е Јован Попзлатанов, искусниот бек кој што последно беше дел од тимот на Македонија ЃП.
Некогашниот младински репрезентативец на Македонија има доста искуство во своите нозе и секако дека истото ќе биде од голема помош во следната сезона за тимот од Кавадарци.
Во следните ден два, најавени се уште новитети во тимот на ГФК Тиквеш.
Предмалку, Тиквеш го промовираше за нов играч и У21 репрезентативецот Теодор Николовски.
