Фудбалскиот шампион на Македонија, екипата на Вардар, за време на подготовките во Италија одигра уште еден пријателски натпревар. Денеска избраниците на новиот тренер Фабијани се сретнаа со нисколигашот Норчија и остварија победа со високи 12:0.
Најефикасен беше Закариќ со пет гола, по двапати во листата со стрелци се запишаа Николов, Дурански и Пиреш, додека Италијанците си постигнаа и еден автогол.
Следниот контролен дуел за вардарци на подготовките во Норчија ќе биде екипата на Ла Фиорита од Сан Марино, против која играа минатото лето во Конференциската лига.
