Македонскиот репрезентативен голман Столе Димитриевски од денеска и официјално повеќе нема да биде ерген. Откако пред една година романтично ја побара за сопруга својата долгогодишна партнерка Ирина, денес нивната љубов ќе ја крунисаат со брак, почитувајќи ги македонските свадбени обичаи и традиции.
Во домот на Димитриевски владее празнична атмосфера, а меѓу најблиските пријатели кои се дел од веселбата е и македонскиот репрезентативен голман Дамјан Шишковски.
Столе и Ирина веќе подолго време ја градат својата заедничка приказна во Шпанија, каде што живеат заедно, а денес ја започнуваат и новата животна етапа како сопружници.
На Столе и Ирина им посакуваме многу љубов, здравје, среќа и безброј убави моменти во заедничкиот живот.
