Еурофарм Пелистер од пред неколку денови е во Зрече каде ги одработува подготовките за новата сезона во која покрај домашните обврски ќе настапува и во Европската лига.
Новиот стратег, Лино Червар во агендата за Словенија има и неколку пријателски натпревари, а првиот е против репрезентацијата на Катар. Селектор на овој национален тим повторно е Веселин Вујовиќ, кој уште сега го подготвува тимот за настап на Светското првенство 2027 година.
Во Зрече покрај пријателскиот натпревар интересно е што на едно место се сретнаа поранешните македонски селектори: Звонко Шундовски, Веселин Вујовиќ и Лино Червар, секој на свој начин остави свој белег, а најголемиот успех го има Шундо. Во 2012 година под негово водство Македонија го освои петтото на ЕП.
