Како Вардар, така и Башкими. По само две кола во новата сезона во ПМФЛ, веќе имаме две тренерски смени. Прво Вардар по поразот во дербито од Шкендија, му врачи отказ на Кристијан Фабиани, денеска и Башкими му врачи отказ на Гајур Реџепи, а на негово место е назначен Шабан Сулејмани.
“ФК Башкими 1947 постигна договор со тренерот Шабан Сулејмани, кој неодамна беше заменик-тренер во Работнички. Тој има искуство во Лирија е Призрен, каде што придонесе за формирањето на тимот во Супер лигата, како и во Беса Добердол, Гостивар и Спарк од Харачина.
Клубот му посакува добредојде на Шабан и се надева на успешна соработка. Со билатерален договор, клубот ја прекина соработката со Гајур Реџепи, на кого му се заблагодарува за неговиот придонес и му посакува многу успех во иднина“ велат од таборот на кумановскиот прволигаш кој имаше катастрофален старт во новата сезона, два меча и два катастрофални порази со гол разлика 0:11.
