Познатиот американски кошаркар Расел Вестбрук одлучи да ја заврши кариерата и ја објави својата одлука преку социјалните мрежи.
Вестбрук имаше долга и успешна кариера која траеше во НБА од 2008 до 2026 година, а на најголемата светска сцена пристигна од престижниот универзитет UCLA. Вестбрук ја започна својата кариера во редовите на Оклахома Сити Тандер, а остана со нив дури и откако Кевин Дукент замина во тогаш најсилниот тим во лигата – Голден Стејт Вориорс. Тој го носеше тимот на својот грб и беше херој на градот, собирајќи ги симпатиите на кошаркарските фанови ширум светот. Скоро секоја вечер бележеше трипл-дабл натпревари, па до ден денес е рекордер во лигата на сите времиња со 209 натпревари во кои имаше трипл-дабл учинок. Беше МВП во 2017 година, играше девет пати како Ол-стар, двапати беше МВП на Ол-стар натпреварот, двапати беше во идеалната петорка на НБА, пет пати во втората и двапати во третата.
Тој беше во тимот „Ол-Руки Ол-Руки“ во 2009 година, двапати најдобар стрелец во лигата, трипати најдобар асистент во лигата и беше дел од најдобрите играчи на историјата на лигата по повод 75-годишнината од нејзиното постоење.
На UCLA беше избран за дефанзивец на годината, додека со репрезентацијата на САД има два златни медали. По Тандер, Вестбрук играше за Хјустон Рокетс, Вашингтон Визардс, Лос Анџелес Лејкерс, Лос Анџелес Клиперс, Денвер Нагетс и конечно за Сакраменто Кингс.
На 37-годишна возраст, тој објави дека ја завршил кариерата.
