Белградска Црвена Звезда денеска славеше со убедливи 4:0 на мечот со Чукарички во 6. коло од првенството на Србија, а по натпреварот новиот тренер на „црвено-белите“, Алберт Риера имаше многу пофалби за настапот на нашиот млад репрезентативец, Матеј Гаштаров.
Според Риера, Гаштаров бил играч на натпреварот, споредувајќи го со Раде Круниќ.
„За мене, Гаштаров денеска одржа вистински мастер-клас! Веројатно внимателно ја гледал играта на Круниќ на таа позиција, како се брани како централен бек и како создава дополнителен вишок во средината како „шестка“. Ако некому треба да честиттам денес, тоа би бил Гаштаров. Младите играчи многу брзо ги прифаќаат идеите и тоа ме прави исклучително среќен.“ – вели Риера.
