Вечерва од 19 часот на тренинг центарот на ФФМ во Скопје, Шкендија како домаќин ќе ги одмери силите против Струга Трим Лум во натпревар од 4.коло во ПМФЛ. Важен меч и за двете екипи, важни бодови.
Ване Крстевски, напаѓачот на Шкендија верува во уште еден добар настап на неговата екипа и верува дека може да се дојде до нова победа, за “четири од четири“.
„Во тимот владее одлична атмосфера. Подготвени сме за Струга ТЛ, знаеме дека нè очекува тежок натпревар и добро го анализиравме. Добро почнавме со три победи и се надеваме дека утре ќе дојдеме до уште една една, како што е нормално. Мислам дека настапот во Европа малку нè повреди, за жал бевме елиминирани иако сакавме да го повториме минатогодишниот успех. Сега сме фокусирани на првенството и се надеваме дека ќе ја освоиме титулата оваа година, па така следната година ќе го повториме успехот и во Европа.“
Крстевски посочи дека по трите победи во изминатите три меча придонесе за уште поголема мотивација:
“Нормално, сите играчи кои се 100% подготвени за утрешниот натпревар го чекаат натпреварот. Мислам дека сите ќе дадат 100% од себе и овие три победи ни даваат како „ветер на грб“, да продолжиме со ова темпо.“
Шкендија повторно ќе игра на ФФМ и повторно под рефлектори, но сега ќе ги има и навивачите на трибините:
„Мислам дека е предност и привилегија да се игра под рефлектори. Времето е доста жешко и во такви услови е тешко да се игра. Дури и надвор од Тетово, како што споменавте, ни недостигаше публиката, но се надеваме дека на вечерашниот меч ќе ја имаме нивната поддршка и сè ќе биде полесно.“ заврши Ване Крстевски.
