Хаос во Лион по триумфот на Фенер: Среден прст кон домашните навивачи и општа тепачка!(ВИДЕО)

645
ФОТО:printscreen

Францускиот фудбалер Матео Гендузи се најде во центар на скандалот по натпреварот помеѓу Лион и Фенербахче, во кој турскиот тим се квалификуваше за Лигата на шампионите.
Фенербахче, по нерешениот резултат во Истанбул (1:1), победи со 2:1 во реваншот и обезбеди место во елитното натпреварување за прв пат по 18 години.
Ведат Муриќи и Арчи Браун му донесоа победа на Фенер, додека голот на Малик Фофана во второто полувреме не беше доволен за Лион. Сепак, овој натпревар нема да се памети по тоа, туку по скандалот по натпреварот.
Натпреварот во Лион се претвори во хаос по последниот свиреж на судијата, а на теренот и во тунелот избувнаа судири во кои учествуваа играчи и персонал на двата тима. Фудбалерот на Фенербахче, Матео Гендузи, кој претходно играше за Марсеј, најлутиот ривал на Лион, беше во центарот на контроверзноста бидејќи ги провоцираше домашните навивачи и со тоа предизвика хаос. Поранешниот играч од средниот ред на Арсенал постојано беше цел на свирежи од француските навивачи за време на натпреварот. на клубот, а неговите соиграчи го смирија и го тргнаа настрана додека тензиите растеа.

По завршувањето на натпреварот, Гендузи извика во камерата „напред Марсеј“, што дополнително ја вжешти атмосферата. Снимките што кружат на социјалните мрежи, исто така, покажуваат лице во опрема на Лион како се соочува со францускиот играч од средниот ред додека оди кон тунелот, по што интервенираа членови на обезбедувањето и двата тима.
Во тунелот меѓу тимовите избувна гужва, иако не е јасно кое е лицето што се судри со Гундузи. Исто така, интересно е што конфликтот започна уште пред натпреварот, кога Гендузи ги „почести“ навивачите на Лион со средниот прст.

ПретходноЖалбата е примена, ама Рустемовски и официјално останува трет!
СледноМурињо: Мбапе е неверојатен, а “Бернабеу“ е поубав отколку што беше!

ПОВРЗАНИ СОДРЖИНИПОВЕЌЕ ОД АВТОРОТ