КК ТФТ Скопје го промовираше своето ново засилување за сезоната 2026/27. Во редовите на скопскиот тим се враќа Ален Луис, кој по пауза од две сезони повторно ќе го носи црно-белиот дрес.
Луис веќе има искуство со настапите за ТФТ, па неговото враќање претставува засилување со добро познато име за клубот. Последната сезона американскиот кошаркар ја мина во тимот на Nuggets во Нов Зеланд, каде што имаше просек од 11 поени и 6,5 асистенции по натпревар.
„Добредојде назад во Тафта, Ален!“, порача клубот по официјализирањето на трансферот.
