Македонската кошаркарска легенда Перо Антиќ беше дел од специјалниот „Super Cup Friends Match“, одигран во рамките на ВТБ Суперкупот во Москва. Натпреварот се одржа во „ВТБ Арена“, а Антиќ беше меѓу познатите имиња кои настапија на пријателскиот меч.
Покрај македонскиот кошаркар, во натпреварот учествуваа и НБА шампионот Тимофеј Мозгов, претседателот на Руската кошаркарска федерација Андреј Кириленко, како и повеќе актуелни и поранешни играчи и функционери.
За Антиќ ова беше уште едно појавување на голема меѓународна кошаркарска сцена, овојпат во друштво на големи имиња од европската и светската кошарка.
