Уште една скопско – битолска пресметка во СЦ „Јане Сандански“

Денеска во СЦ „Јане Сандански“ покрај ракометното „Ел Класико“ помеѓу Вардар и Пелистер, ќе има уште една скопско – битолска пресметка. Овој пат во рамките на кошаркарската Супер-лига, МЗТ Скопје ќе го пречека Пелистер, мечот е закажан со почеток во 14 часот.

Актуелниот првак во овој дуел влегува со пораз од Струмица и тренерска смена на Васко Атанасов, додека пак Пелистер после победата против Скопје на домашен терен.

Од таборот на битолчани најавија дека се подготвени да одиграат одличен меч и да дојдат до победата.

„За натпреварот против МЗТ се подготвуваме како и за секој друг натпревар. Анализираме поединечни играчи и акции, додека тренерите прават план на игра кој треба да го следиме против противникот. Работата на играчите е да го почитуваат планот на игра. Иако нема да биде лесно, очекувам победа доколку спроведеме сè што е договорено“, изјави Алонзо Денинг пред натпреварот против МЗТ Скопје.