Фудбалскиот клуб Скопје се најде во неславното друштво на 16 екипи од европските првенства кои сè уште немаат забележано победа во тековната сезона.
По 13 одиграни кола во Првата македонска фудбалска лига, „пиратите“ имаат само четири нерешени средби и девет порази, со гол-разлика 5:22 и освоени четири бода. Тоа ги остава на последното, десетто место на табелата.
Интересно е што Скопје успеа да оствари победи во Купот на Македонија, но тоа не го промени лошиот биланс во првенството.
