Денеска од 17 часoт на Градскиот стадион во Струга, ќе се одигра последниот меч од 3.коло во ПМФЛ. Струга ТЛ ја дочекува Брера Струмица. Ова за шампионот ќе биде одработување и на домнашните обврски во пресрет на четврток и првиот меч од плеј- офот во Лигата на Конференции против Бреидаблик.
Се разбира дека стружани денеска сакаат да славата над Брера, над тимот кој во изминатите две кола беше максимален. Но сега за првпат струмичани во новата сезона ќе гостуваат. Треба да се види како тимот на стратегот Џовани Валенти се однесува и на гостински терен, па потоа да се даваат генерални заклучоци околу тоа во каква форма е тимот и какви можат да бидат амбициите во новата сезона во ПМФЛ.
Стружани пак немаат намера ништо да експериментираат.Знаат дека се потребни бодовите, дека не смее да се дозволи конкурентите во битката за тронот да избегаат. За тимот на Шпетим дуро ова ќе биде вториот меч, тој со Шкендија беше одложен, а секако дека ќе биде одложен и уште некој ако се знае дека Струга ТЛ има големи шансида се пласира и во групната фаза во ЛК.
