Кадетската машка репрезентација на Македонија со победа го затвори учеството на „Трофеј Карпати“. Нашите момци беа убедливи против селекцијата на Црна Гора со 20-28, меч кој го решија уште на стартот на натпреварот.
„Црвено-жолтите“ поведоа со 1-5 во седмата минута, па имаат 3-8. Нов налет на македонските кадети значе прва и убедлива двоцифрена предност во 23 минута од натпреварот од 5-18. На одморот резултатот беше 6-19.
Во вториот дел не се промени сликата, Црногорците беа немоќни пред нашите кадети, кои пак рутински го привршија мечот во своја корист.
Претходно, Македонија беше поразена од Романија и Египет, две селекции кои ќе се борат за првото место на овој турнир.
