Дефанзивецот на Рома, Џанлука Мансини ја дозна казната од страна на Фудбалската федерација на Италија поради веењето на знамето со боите на Лацио и стаорец на истото пред противничките навивачи. Рома го совлада Лацио со 1:0 по пауза од две години, а Мансини го развеа знамето провоцирајќи ги противничките навивачи.
Со тоа ја подигна тензијата на трибините, поради која навивачите на двете екипи почнаа со расистички навреди и пцуење кон играчите и едни кон други.
Мансини избегна суспензија и доби само парична казна од 5000 евра. Тоа значи дека нема ништо од забрана за играње на натпревари како што претходно се претпоставуваше. Мансини ќе се појави на следниот меч.
