Баерн сигурно ќе го смени Томас Тухел по завршувањето на сезоната, а подолго време кружат неколку имиња за негов наследник. На големо се зборуваше за Јулијан Нагелсман, но овој стручњак го продолжи договорот со Германија до 2026 година.
Според „Спорт1.де“, Ралф Рангник бил поканет на разговор за позицијата но тој одбил. Причината е што тој има јасна позиција, сака да продолжи да работи како селектор на австрискиот национален тим до крајот на договорот, до 2026 година.
Тој сака да го продолжи проектот со репрезентацијата на Австрија кој го започна во април 2022 година. Во јуни ќе учествува на ЕП во Германија.
Рангник претходно беше в.д.тренер на Манчестер Јунајтед, работеше како прв тренер на РБ Лајпциг во два периоди, па во Шалке, Хофенхајм, Хановер…
Во меѓувреме „Ел Мундо Депортиво“ пишува дека Зинедин Зидан е пред вратите на Баерн Минхен.
