Во дуелот на две репрезентации учеснички на ЕП 2024, селекцијата на Австрија во Виена со 2:1 ја совлада Србија во подготвителниот натпревар пред претстојното Европско првенство.
Австријците поведоа со 2:0 со головите на Вимер и Баумгартнер до 13 минута, додека единствениот гол за Србија го постигна Павловиќ.
Швајцарија вечерва пред своите навивачи во Луцерн со 4:0 ја совлада Естонија, додека во Букурешт, Романија и Бугарија одиграа 0:0, а домашните промашија пенал.
Убедлив триумф остварија Португалците, кои ја совладаа Финска со 4:2. Португалија поведе со 3:0 и се чинеше дека ќе обезбеди убедлива победа, но Финците со два брзи гола се вратија за 3:2. Конечните 4:2 ги постигна Бруно Фернандеш со својот втор гол во 84. минута.
