Вечерва во салата “Јане Сандански“ во Скопје, во петтиот меч од квалификациската група 7 за пласман на ЕП, футсал селекцијата на Македонија беше поразена од Холандија со 0:3.
Инаку ова е четвртиот пораз за избраниците на селекторот Васко Скендеровски, досега имаме освоено само еден бод и сме убедливо последни на табелата.
Во првиот дел нашите репрезентативци одиграа исклучително квалитетно. Не само што големиот фаворит не ја затресе нашата мрежа, туку и ние имавме шанси за водство.
Сепак уште на почетокот на второто полувреме, гостите стрелаа двапати за 0:3. Македонија се обидуваше да се врати во игра што се вели, но сепак се виде на дело каде е квалитетот. Мартинус на пет минути до крајот со својот втор гол стрелаше за 0:3.
Треба да се каже дека пред натпреварот Мартин Тодоровски доби врамен дрес со бр.100, по повод неговиот 100-ти настап за селекцијата на Македонија.
Футсал – квалификации за ЕП – група 7
МАКЕДОНИЈА – ХОЛАНДИЈА 0:3 (0:0)
Сала Јане Сандански во Скопје. Стрелци: Кемпс 23,42., Мартинус 24,48., 34,56.(ХОЛ).
МАКЕДОНИЈА: Петровски, Зибери, Благоевски, Петровиќ, Рамадан, Стојановски, Левески, Исмаили, Крстевски, Пеев, Б. Јанев, Рамадани, Мар. Тодоровски, Сефери.
ХОЛАНДИЈА: Онс, Цејар, Барневелд, Мартинус, Квадоу, Шурман, Сенден, Кемпс, Боухалхоул, Тарифит, Бузамбу, Смитс, Ел Арнауке, Сапулете.
