Вечерва во центарот на вниманието ќе биде СЦ „Јане Сандански“, тука ќе се бие битка за титула во ракометниот шампионат. Старите ривали, Вардар 1961 и Пелистер ќе ги вкрстат копјата за најважниот меч оваа сезона, дуелот е закажан со почеток во 19:30 часот.
Ракометарите на актуелниот првак веќе се во Скопје. Тие утрово се релаксираа во едно кафуле покрај реката Вардар, собираа сили за пресметката со „црвено-црните“.
Пелистер само со победа од најмалку два гола ќе ја одбрани титулата, додека пак Вардар 1961 може и со реми да се врати на тронот.
