СпортСпорт во Сан Марино, Огнен Чак Дојчиновски
Денеска е последниот ден на екипата на Вардар во Сан Марино. Синоќа со ремито 2:2 против домашната Ла Фиорита и вкупните 2:5 е остварен пласман во второто коло од квалификациите за Лигата на Конферецнции.
Вардар неколку дена престојуваше во оваа мала но гостопримлива земја. Сега е време за збогум, а како последна „точка“ во планот на „црвено – црните“ за ова гостување беше прославата на роденденот на Филип Дурански синоќа.
По дуелот со Ла Фиорита на вечерата потоа, Дурански како и Азер Омерагиќ претходно доби роденденска торта со која му се честиташе среќниот ден од страна на клубот.
Некогашниот младински репрезентативец на Македонија е еден од ветераните во клубот што се вели, но сеуште е битен дел од мозаикот на Гоце Седлоски.
