Фановите на Баерн Минхен се во шок. Десното колено на ѕвездата на “баварците“, Алфонсо Дејвис, изгледа неверојатно пет месеци по операцијата на лигаментите. Нема мускулна маса, но тоа е сосема нормално со оглед на сериозноста на повредата што ја претрпе. Разликата од пред и после операцијата е очигледна. Дејвис едвај чека да почне да тренира.
„Ми требаше малку време, но среќен сум што сум на свеж воздух и што можам да трчам побрзо од пет километри на час“, изјави Дејвис за официјалната веб-страница на Баерн, додавајќи:
„На почетокот можев само да одам. Можноста да џогирам малку е дефинитивно многу подобра. Почнав побавно, но тренерот ми рече дека можам да одам побрзо. Бев навистина возбуден за тоа, но знам дека морам да одам чекор по чекор.“
Тој претходно призна дека има психички проблеми откако се здоби со повредата.
„Нема да лажам, беше тешко. Имав ментален слом, не знам што се случи, но се истуширав и едноставно се распаднав, почнав да плачам и да паничам“, призна Дејвис.
Фудбалските фанови со неверица го гледаат изгледот на ногата на ѕвездата на Баерн, но наскоро мускулите дефинитивно ќе бидат повторно таму.Се верува дека Дејвис би можел да се врати на теренот во октомври и сигурно ќе биде огромен поттик за Баерн.
La diferencia de tamaño en los muslos de Alphonso Davies, después de su operación de ligamento cruzado, es impresionante 😳.
Foto: @BILT pic.twitter.com/sbvcssiELz
— ESPN Deportes (@ESPNDeportes) August 12, 2025
