Сениорската репрезентација на Србија ќе се сретне со селекцијата на Чешка на подготвителниот турнир Суперкуп во Минхен. Ден подоцна, српската селекција ќе игра со победникот или поразениот од дуелот меѓу Германија и Турција.
Ален Смаилагиќ и Урош Трифуновиќ не отпатуваа со екипата во Германија поради повреди, но селекторот најмногу го загрижува состојбата на Василије Мициќ.
„Не сме во најдобра состојба. Смаилагиќ и Трифуновиќ сè уште не се подготвени за тренинг. Постојано се обидуваме со Васо да го вратиме, но тоа не оди според планот што го предвидовме. Васо се труди, се обидува, но сè уште има болки. Ќе видиме, во наредните неколку дена ќе мора да донесеме одлуки, но генерално останатите играчи се добро.
Ова е период кога се тренира и почнуваат натпреварите. Игравме турнир на Кипар и две пријателски средби без публика, а сега секој меч ни значи многу. Доволно трениравме за овој дел од подготовките за Европското првенство. Сега го имаме овој турнир овде, Суперкуп, одличен турнир со квалитетни селекции, а потоа на 21 август ни доаѓа Словенија во Белград и тоа ќе биде сè од официјални натпревари.
Продолжуваме да тренираме, да работиме. Секако, не загрижуваат овие повреди. Најискрено, најмногу ме плаши дали воопшто ќе можеме да сметаме на Мициќ. Се обидува и тој, се обидуваме и ние, но тоа тешко оди“, порача Пешиќ.
