Попладнево во Битола, Пелистер го совлада тимот на Динамо Букурешт со 2:0 во пријателскиот фудбалски натпревар, кој беше одигран по побод 80-годишнината од формирањето на клубот.
Двата гола беа постигнати во второто полувреме. Првиот гол беше всушност автогол на Тоадер, а потоа од пенал на Ристевски го постави конечните 2:0. На стадионот во Битола имаше добра посетеност, со оглед на тоа што и навивачката група „Чкембари“ го искористи мечот за прослава на својот 40-ти роденден.
Овој меч беше деби за новиот тренер на „зелено-белите“, Милан Стојаноски.
