Денвер Нагетс гo победи Хјустон со 112:109 во НБА Купот. Прво име на теренот беше српскиот центар Никола Јокиќ. Трикратниот МВП мечот го заврши со дабл-дабл од со 34 поени, 10 скока и девет асистенции.
За Рокетс, чија серија од пет победи беше прекината со овој пораз, заостануваа дури 13 поени во првото полувреме, но најдоа начин да поведат со пет поени на осум минути до крајот.
Нагетс потоа одговорија со своја серија, а сето тоа го заокружи Јокиќ, кој погоди две слободни фрлања на три секунди до крајот за да им донесе водство од три поени. Обидот на Алперен Шенгун на сирената за продолжението не заврши во кошот.
NIKOLA JOKIC TONIGHT:
34 POINTS
10 REBOUNDS
9 ASSISTS
2 STEALS
1 BLOCK
11/20 FGM
4/8 3PM
39 MINUTES pic.twitter.com/fftyFQ4ahU— Hoop Central (@TheHoopCentral) November 22, 2025
Натпреварот помеѓу двете најголеми закани за доминацијата на Оклахома Сити на Западот им даде на Нагетсите (12-3) водство пред Рокетсите (10-4) во пласманот во НБА Купот, каде што сега имаат скор од 2-1 во својата група. Рокетсите следно играат против Голден Стејт во Сан Франциско во среда, додека Нагетсите ја завршуваат својата група против Сан Антонио следната недела.
Заедно со Јокиќ, Џамал Мареј го предводеше Денвер со 26 поени и 10 асистенции. Арон Гордон се повреди во првиот натпревар. Рид Шепард (27 поени, најмногу во кариерата) и Амен Томпсон (22) го предводеа Хјустон.
На останатите средби: Мајами славеше против Чикаго со неверојатни и убедливи 143-107, Кливленд беше подобар од Индијана со 120-109, Бруклин го совлада Бостон со 113-105, Торонто дома беше подобар од Вашингтон со 140-110, Далас беше подобар од Њу Орлеанс со 118-115, Феникс ја совлада Минесота со 114-113, Портланд славеше кај Голден Стејт со 127-123 и Јута немаше одговор за Оклахома 112-144.
