Српскиот ракометен стратег Александар Радосављевиќ е нов шеф на стручниот штаб на македонскиот суперлигаш МРК Куманово.
Радосављевиќ зад себе има богато ракометно искуство и последниот негов ангажман е како тренер на РК Леотар.
Во неговата кариера ги има водено и клубовите на МРК Горажџе, МРК Врање, МРК Металац Краљево, МРК Зајечар, МРК Железничар од Сараево како и женските српски тимови на ЖРК Напредак, ЖРК Бамби Пожаревац, ЖРК Металац и грчкиот Орми Патрас.
Овој искусен ракометен стратег во своето богато портфолио ја има водено женската јуниорска репрезентација на тогашната Србија и Црна Гора,машката кадетска репрезентација на Србија како и машкиот сениорски тим на репрезентацијата на Босна и Херцеговина.
