Македонската ракометна репрезентација вечерва (20:30 часот) против Данска го отвара Европското првенство. Селекторот, Кирил Лазаров и неговите избраници мечевите ги играат во Хернинг во ракометниот храм „Јиске Банк боксен“, која има капацитет од 15.000 места.
Познато е дека голем дел на трибините ќе им припаднат на данските фанови, но има и Македонци кои дојдоа да ги бодрат нашите ракометари и на ова големо натпреварување.
За „Фалангата“ стигна важно известување, сите Македонци ќе се собрат во 18:30 часот во фан-зоната во Арената „Јиске Банк боксен“.
