Во последниот меч од групата 5. во првата рунда од квалификациите за ЕП во Б Лига на Нации, У-19 селекцијата на Македонија вечерва во Холандија одигра 1:1 против соодветната селекција на Молдавија.
Ова беше второ реми за избраниците на селекторот Димитар Капинковски, по она со Ф.Острови во 1.коло. Имаме и пораз од домашната селекција на Холандија, која убедливо го освои првото место и продолжува во елитните квалификации. Додека Македонија заврши како трета и ќе игра во втората рунда во Б Лигата на Нации.
Молдавците поведоа со голот на Роска во 21.минута, додека Македонија израмни преку Танчев во 55.минута.
За Македонија на овој меч настапија:
Трајковски, Рочи, Кесиќ, Мустафи, Маркоски, Бранковски, Талески, Ангелевски, Мрмачоски, Хоџа и Жаку.
Играа уште: Танчев, Буцевски, Илјази, Марковски, Касами.
