Тренерот на Баерн Минхен, Винсент Компани, поради суспензија нема да може да биде на клупата на “баварците“ вечерва на првиот мел од 1/2 финалето во ЛШ против ПСЖ.
„Процесот е јасен. Знам како можам да го поддржам тимот. Но, на крајот на денот, суспензијата е суспензија. Станува збор за тоа како се справуваме со тоа како тим. Имам 100% доверба во нашиот тим“, рече Компани на прес-конференцијата пред натпреварот во Париз, за кој Белгиецот ќе биде суспендиран.
Во врска со моќта на ПСЖ, Компани рече:
“Можам да го свртам прашањето. Како тие ќе се справат со нашите напаѓачи? И двата тима имаат толку многу креативност, исто така и во однос на позициската игра и наоѓањето решенија. Станува збор за детали, интензитет и енергија. Играме против нив по четврти пат. Имаме искуство против нив, но тоа важи и за ПСЖ“ и дополни:
“ПСЖ е сè уште европски шампион, но ако некој тим може да се справи со овој предизвик, тоа сме ние. Знаеме колку се добри Парижаните, но сакаме да го добиеме овој натпревар“, увери Компани.
