Македонската машка кадетска репрезентација денеска (12 часот) го играат првиот натпревар на Европско првенство кое се одржува во Белград. Прв противник е селекцијата на Словенија, која пред две години заврши на деветото место. Избраниците на селекторот, Горан Кузманоски имаат тешка група, ќе играат уште против Франција и Шведска.
СпортСпорт пред седум дена разговараше со Кузманоски, ви пренесуваме дел од неговата изјава.
„Групата е дефинитивно најтешката на првенството. Веќе направивме детални анализи и собравме информации за сите противници. Доволно е да се погледнат резултатите од младинските категории на овие репрезентации, кои на последните големи натпреварувања освојуваа медали, за да биде јасно за каков квалитет станува збор.
Позитивно е тоа што за сите репрезентации ова е прво големо натпреварување за оваа генерација, па сите почнуваат од иста стартна позиција. Ние ќе отпатуваме максимално подготвени – физички, тактички и ментално – и сигурно нема да се предадеме во ниту еден момент, без разлика кој е противникот. За мене, покрај квалитетната подготовка, еден од најважните фактори ќе биде психолошката стабилност на тимот. На вакви првенства токму менталната сила, карактерот и вербата во сопствените квалитети често ја прават разликата на натпреварите“, рече тогаш Кузманоски.
Од натпреварот во Белград ќе има директен преност на Арена Спорт МК.
