Македонскиот вицешампион Шкендија оствари пласман во 3. коло од Конференциската лига победувајќи го во Скопје словенечки Браво со 3:1 (вкупен резултат 4:3). По победата, тренерот Артим Положани даде своја анализа на средбата и плановите за следното коло.
„Мислам дека беше важен натпревар, но натпревар кој беше исклучително добро одигран од нашите играчи. И за тоа морам да им честитам на играчите, бидејќи тоа е нивна заслуга. Не беше лесно поради фактот што имавме противник кој се затвора во втор блок и чека транзиции. Мислам дека го елиминиравме тоа нивно силно оружје. И покрај фактот дека пропуштивме шанси, но моментот кога ќе произведете толку шанси, голот ќе дојде. Практично може да дојде 15-тата минута, може да дојде во 30-тата минута, може да дојде во 70-тата минута, а може да дојде и во последните минути. Ова е целосна заслуга на момците. За следниот ривал нема да коментирам. Почнувајќи од утре ќе размислуваме за противникот. Мислам досега фокусот беше целосно на натпреварот со Браво“, истакна Положани.
